Qui sèm?

Xarnegu Sagarrak

Installat dempuish genèir de 2015 a La Bastida de Clarença en una pomerada plantada a la debuta de las annadas noranta, prepausi shuc de pomas e pomat sec. Los mens productes provinen de pomas localas, transformadas de biaish artesanau a La Bastida, dens un locau a Labordeta (carrèira de Pessaron).

Los volumes produsits son hòrts redusits, e totas las òbras son miadas damb la man, o damb una ajuda mecanica minimala.

De la pomadera dinc au chai

1 ectara 75 a La Bastida de Clarença; expausat a l’est, protegit deus vent mei hòrts.

Dètz varietats son cultivadas, mès la màger part deus aubres es constituida d’anisa (poma dolça emplegada a 50% dens lo shuc), d’eri sagarra (acidulada, emplegada autant dens lo shuc com dens lo pomat) e de mamula (dolça e hòrt aromatica, hòrta emplegada dens lo shuc). 

Las autas varietats (ondomotza, eztika, gordin xuria, peatxa...) pòden entrar dens la fabricacion deu shuc quand son culhudas avant maduretat, o dens los assemblatges de pomat.

Tant a la pomadera com au chai, los productes XARNEGU SAGARRAK respectan los quadèrns de cargas Agricultura Biologica e Dynamis: cap pesticidi, cap herbicidi, cap tractament quimic de la tèrra, de la fruta ni deus shucs.

Las dòsis de coire e de sofra emplegadas ende protegir las pomas son minimalas, e son privilegiats l’emplec de tisanas de flors, los òlis essenciaus, e l’accion deus insectes auxiliaris.

Las annadas shens poma (lo pomèir es un arbol alternant: balha hòrt una annada, e pauc la sheguenta), crompi pomas localas deus medishs pomatges e certificadas AB.

Nada filtracion interven dens lo processús de fabricacion deu shuc tanpauc deu pomat. Un depòst se pòt formar dens la botelha, constituit de pulpas finas; aqueth depòst ne guasta pas la qualitat ni lo gost deu producte.