Nor gara?

Xarnegu Sagarrak

2015eko urtarrilaz geroztik Bastidako sagardi zaharra berriz harturik, sagar jusa eta sagarnoa ekoizten dut. Nire mozkinak, lekuko sagarrekin eta artisau-eran ekoizten ditut, Bastidan bertan dudan Labordeta egoitzan (Pessarourako bidean).

Ekoizpen kopuruan biziki mugatuak dira eta egiten ditudan lan guztiak eskuz burutzen ditut, ahalik eta laguntza mekaniko minimoenaren laguntzaz.

Sagarditik sotora

Bastidan den 1,75 hektareko eremua, eguteran, haize azkarretaz babestua.

Hamar sagar mota daude landutuak, baina zuhaitz gehienak anisa(sagar gozoa, jusaren osaketaren %50a), eri sagarra (mingotxa, sagar jusa baita sagarnorako erabilia) eta mamula (gozoa eta zaporetsua, gehien bat jusetarako erabilia goiztiarra eta hauskorra delako) motenak dira.

Beste motak (ondomotza, eztika, gordin xuria, peatxa...) jusarako balia daitezke heldutasunera iritsi aitzin bilduak baldin badira, edo sagarnoaren osaketarako.

Sagardian sotoan bezala, XARNEGU SAGARRAK ekoizpenek Laborantza Biologikoaren eta Dynamis araudiak betetzen dituzte: pestizidarik ez, herbizidarik ez, lurraren, fruituen eta jusen tratamendu kimikorik ez.

Sagarren babeserako erabilitako kobre eta sufre dosiak hutsaren hurrenak dira, lore edabeen, olio esentzialen eta intsektu laguntzaileen erabilpena lehenesten ditugu.

Sagarrik gabeko urteetan (sagarrondoa aldizkako zuhaitza da, urtez batez anitz ekartzen du eta ondokoan gutxi), Laborantza Biologikoaren zigilupeko lekuko sagar berdinak erosten ditut.

Jusa eta sagarnoaren ekoizpenean ez dago inolako iragazketarik. Boteila hondoan liga osa daiteke. Fruitu mami xehez osatua da; liga honek ez du ekoizpenaren kalitatea ezta gustua ere ezertan kaltetzen.